#كلام_إيناس | Kallam Inas#

بقلم:#إيناس_الجرمقاني
إذا الله معنا، فمن علينا.

آخ يا دولة الرئيس… حضرتك وين، والشعب اللبناني وين؟

عنجد هيدي أولويات الحكومة؟
الساعة بتتأخر أو ما بتتأخر؟
وكأن البلد بألف خير، والناس ما عندها همّ غير التوقيت!

بيقولوا في العالم سبع عجائب…
وأنا عم اسأل: هل نضيف الثامنة؟

دولة الرئيس،
بتعرف قدي صارت ربطة الخبز؟
بتعرف شو يعني عيلة ما عم تلحق فاتورة كهربا، مدرسة، دواء وأكل؟

وبينما الناس عم تعدّ مصاريها…
الحكومة عم تعدّ الزيارات والصور والتصريحات.

وين إعمار الجنوب؟
وين الملفات المعيشية؟
وين الخطة لمواجهة الغلاء؟

المشكلة مش إذا الساعة بتتقدّم أو بتتأخر…
المشكلة إن حياة اللبناني نفسها عم ترجع لورا.

والله إنكم فاضيين ورايقين…
والله يساعد الشعب اللبناني.

#اذا_الله_معنا_فمن_علينا
#العدل_اساس_الملك